مانچێستەر یونایتد نرخی گرینوودی دیاری کرد

یاریگا –

مانچستەر یونایتد نایەوێت مەیسن گرینوود بگەڕێنێتەوە یانەکەی و نرخی ئەو یاریزانەیشی دیاری کرد.

یاریزانە تەمەن ٢٢ ساڵانەکە هاوینی ساڵی ڕابردوو بە خواستن و بۆ وەرزی ٢٠٢٣/٢٠٢٤ نێردرایە ڕیزەکانی خیتافی  ئیسپانیەوە و لەوێ ئاستی خۆی پیشان دایەوە.

بە گوێرەی زانیارییەکانی Fussball News، مان یو نرخی ٤٠ ملیۆن یۆرۆی خستووەتە سەر گرینوود بۆ هەر یانەیەک بیەوێت لێی بچێتە پێشەوە.

🚨 | Man Utd's asking price for Mason Greenwood confirmed with two Champions League giants interested. pic.twitter.com/B3DJ1saMFm

— SPORTbible (@sportbible) February 19, 2024

ئەو سەرچاوە ئەوەشی ئاشکرا کردووە کە هەردوو یانەی زلهێزی ئیسپانیا، بارسێلۆنا و ئەتڵەتیکۆ مەدریدی بەشدار لە چامپیۆنزلیگ، مەیلیان لە گواستنەوەی یاریزانە ئینگلیزیەکە هەیە.

گرینوود لەوەتە پەیوەندی کردنی بە خیتافیەوە، لە ٢٤ بەشداریی لەسەرجەم پاڵەوانێتیەکاندا حەوت گۆڵی تۆمار کردووە و پێنج ئەسیستیشی هەیە.