یاریگا –
راسموس هۆیلوند بەردەوامە لە پیشاندانی توانا گۆڵکارییەکانی و ئەمشەویش بە دووانەیەک بوو بە فریادڕەسی مانچستەر یونایتد.
لە هەفتەی ٢٥ی خولی ئینگلیزیدا مان یو بوو بە میوانی لوتن تاون و دوای تێپەڕینی تەنها حەوت خولەک هێرشبەرە دانیمارکییەکە دوو گۆڵی تۆما کرد و تا کۆتایی پارێزگارییان لە ئەنجامەکە کرد ئەگەرچی گۆڵێکیشیان لێ کرا.
بە هەژاندنی تۆڕی لوتن تاون، هۆیلوند بوو بە بچووکترین (٢١ ساڵ و ١٤ رۆژ) یاریزانی مێژووی پریمەرلیگ بتوانێت شەش یاریی گۆڵ بکات. پێشتر ئەو ریکۆردە بەناوی جەو ویڵلۆکی ئارسیناڵەوە بوو کە لە تەمەنی ٢١ ساڵ و ٢٧٢ رۆژی خۆیدا توانیبوو ئەو کارە ئەنجام بدات.
21 – Aged 21 years and 14 days, Rasmus Højlund is the youngest player ever to score in six successive Premier League appearances, surpassing Joe Willock's record (21y 272d). Super. pic.twitter.com/pzSvombDyU
— OptaJoe (@OptaJoe) February 18, 2024
مانچستەر بە سەرکردایەتی هۆیلوند هیوای گەشتنیان بە چامپیۆنزلیگ بۆ گەڕاوەتەوە. لە پلەی شەشەمی ریزبەندیەکە دێن بە جیاوازیی پێنج خاڵ لەگەڵ ئەستۆن ڤێلای چوارەم و سێ خاڵ لەگەڵ تۆتنهامی پێنجەم.
