مۆرینهۆ پێیوایە پێویستە نازناوی 2017/2018ـی پریمەرلیگ بدرێت بە مان یونایتد
یاریگا –
دوای تێپەڕینی چەند ساڵێک بەسەر ئەو وەرزەی تێیدا مان سیتی بوو بە پاڵەوان و مانچستەر یونایتدی ڕکابەریان بە ڕاهێنەرایەتیی جۆزێ مۆرینهۆ پلەی دووەمیان وەرگرت، سپێشەڵ وەن پێی وایە لە باری سزادانی سیتیزنس، رەنگە نازناوەکە بدرێت بە شەیتانە سوورەکان.
لە میانی چاوپێکەوتنێکی نوێیدا کە دەیلی ستار بڵاوی کردووەتەوە، مۆرینهۆ دەڵێت: “رەنگە چانسێک هەبێت ئەو نازناوە بۆ ئێمە بێت، وا نییە؟ چونکە بەوەی کە مان سیتی تۆمەتبارە بە پێشێلێلکردنی یاسای دارایی یاریی خاوێن، هەندێک خاڵیان لێ دابشکێنرێت و ئێمە نازناوەکە ببەینەوە.”
Jose Mourinho digs out Man City over 115 charges – proposing Man Utd should get 2018 titlehttps://t.co/USMlDwHg8S pic.twitter.com/SEWdCAehmD
— Daily Star Sport (@DailyStar_Sport) February 15, 2024
ئەو قسانەی راهێنەرە پورتوگالییەکە لە کاتێکدایە کە ئەو وەرزەی باسی دەکات، لە نێوان ئەو چەند وەرزەیە کە سیتی تێیدا تۆمەتبار دەکرێت بە پێشێلکردنی یاساکان و سزای چاوەڕوانکراو ڕووبەرووی دەبێتەوە لە باری ساخبوونەوەی تۆمەتەکان.
هێشتا دیار نییە سزاکان چی دەبێت، لە کاتێکدا لەو وەرزەدا تیمەکەی مۆرینهۆ ١٩ خاڵ لە دوای سیتی پاڵەوانەوە بوون.
