لە چەند ڕۆژی داهاتوودا یاریزانێکی مانچستەر روو دەکاتە خولی تورکی
یاریگا –
رۆژی هەینی دواوادەی بازاڕی گواستنەوەکانی زستانەیە لە تورکیا، هەر بۆیە یانەی گالاتەسەرای تا پێش ئەو وادەیە دەیەوێت یاریزانێکی مانچستەر یونایتد یەکلایی بکاتەوە بۆ ڕیزەکانی.
بە گوێرەی زانیارییەکانی fotomacی تورکی، گالاتەسەرای لە ماوەی چەند رۆژی داهاتوودا کریستیان ئیرکسن دەباتە ڕیزەکانی.
🚨 Christian Eriksen could join Galatasaray in the coming days! 🇹🇷
Potentially in the form of a loan with an option to buy.
(Source: @fotomac) pic.twitter.com/zrVYy2pTj2
— Transfer News Live (@DeadlineDayLive) February 5, 2024
سەرچاوەکە نووسیوشیەتی کە بە ئەگەرێکی زۆرەوە گواستنەوەکە بە شێوەی خواستن دەبێت لەگەڵ بژاردەی کڕینی هەمیشەیی.
ئیریکسنی تەمەن ٣١ ساڵ لە ناوەڕاستی مانگی یەنایەرەوە بە دیاریکراوی لە یاری ئەو رۆژەیان بەرامبەر تۆتنهام، هیچ بەشدارییەکی پێ نەکراوە لەلایەن ئێریک تین هاگەوە. لە کۆی ١٩ بەشداریی ئەم وەرزە، تەنها یەک گۆڵ و دوو ئەسیستی هەیە.
یاریسازە دانیمارکیەکە لە ساڵی ٢٠٢٥ گرێبەستەکەی بەسەر دەچێت.
