پاریس سانجێرمان یاریزانێکی بەرازیلی دەگوازێتەوە

یاریگا –

یانەی پاریس سانجێرمانی فەڕەنسی گرێبەستی لەگەڵ لوکاس بێراڵدۆی بەرازیلی واژۆ دەکات.

رۆژنامەنووس فابریزیۆ رۆمانۆ بڵاویکردووەتەوە، پاریس سانجێرمان گرێبەستی لوکاس بێڕاڵدۆی بەڕازیلی و بەرگریکاری یانەی ساوپاولۆی لە بەرژەوەندی خۆی یەکلایی کردووەتەوە.

بەپێی زانیارییەکانی رۆمانۆ، بۆ ئەنجامدانی پشکنینە پزیشکییەکان، بەرگریکارە بەڕازیلییەکە هەفتەی داهاتوو بەرەو پاریس گەشت دەکات، دواتریش گرێبەستێکی درێژخایەن لەگەڵ سانجێرمان واژۆ دەکات.

🔴🔵🇧🇷 Paris Saint-Germain have booked medical tests for Lucas Beraldo next week as Brazilian centre back will travel to Paris with his agents in order to sign long term deal.

São Paulo will receive €20m fee, no add-ons as revealed two days ago.

Here we go, 100% confirmed. pic.twitter.com/H9WtBwCZ9S

— Fabrizio Romano (@FabrizioRomano) December 24, 2023

رۆژنامەنووسە ئیتاڵییەکە ئاماژەی بەوەش کردووە، بۆ بەدەستهێنانی ئەو یاریزانە تەمەن 20 ساڵانییە پاریس بڕی 20 ملیۆن یۆرۆ بە یانە بەرازیلییەکە دەدات، بەڵام هیچ پارەیەکی زیادەی لەگەڵدا نابێت.

بێڕاڵدۆ لەدایکبوویی مانگی نۆڤێمبەری ساڵی 2003 یە، لە دڵی بەرگری بە پێی چەپە یاری دەکات و بەرزی باڵای مەترێک و 83 سانتیمەترە.