یاریگا –
مارسێلۆ، ئەستێرەی پێشووی هەڵبژاردەی بەڕازیل یاریزانی یانەی فلۆمینینزی بەڕازیلی پاڵێوراوی بردنەوەی جامی جیهانی یانەكانی ئاشكرا كرد.
چاوەڕوان دەكرێت لە قۆناخی پێش كۆتایی جامی جیهانی یانەكاندا فلۆمینینزی بەرامبەر ئەهلی میسڕی یاری بكات.
📸: @MarceloM12 /FFC pic.twitter.com/BWmTCb7dn9
— Fluminense F.C. (@FluminenseFC) December 14, 2023
لەچاوپێكەوتنێكیدا لەگەڵ پێگەی فەرمی فیفا مارسێلۆ گوتی:
دەزانین كە مانچێستەر سیتی یەكێكە لە باشترین یانەكانی جیهان، زۆر یاریزانی نایابیان لە تیپەكەدا هەیە، سەرسوڕهێنەرن و لە خولی ئینگلیزی و چامپیۆنزلیگ ئاستێکی زۆر باش پێشکەش دەکەن.
بەردەوام بوو گوتیشی:
ئەو تیپەی چامپیۆنزلیگی بردووەتەوە هەمیشە پاڵێوراو دەبێت بۆ بردنەوەی جامی جیهانی یانەکان، ئێمە شەڕ دەکەین و هەموو هەوڵێك دەدەین بۆ بردنەوەی نازناوەکە و بەدیهێنانی خەونەکە.
پێشتر مارسێلۆ چوار جار لەگەڵ ریال مەدرید بووە بە پاڵەوانی جامی جیهانی یانەكان.
