یاریگا –
حکومەتی هۆڵەندا بڕیاریدا دیمەنی گۆڵێکی دێنیس ب ێرکامب ئەفسانەی تۆپی پێی وڵاتەکەی بخاتە سەر دراوی یۆرۆ، کە بەمزووانە چاپ دەکرێت.
وەزارەتی گەنجینەی هۆڵەندا رایگەیاندووە، وێنەی گۆڵی دێنیس بێرکام لە مۆندیالی 1998 بەرامبەر ئەرجەنتین دەخرێتە سەر دراوی 8 یۆرۆ، وەکو رێزلێنانێک بۆ دەستکەوت و خزمەتەکانی ئەو یاریزانە.
Three perfect touches 👟💥
Dennis Bergkamp's knack for making goalscoring look easy was on full display when he fired @OnsOranje into the #WorldCup semi-finals #onthisday in 1998 🇳🇱 pic.twitter.com/akVInsbTT7
— FIFA World Cup (@FIFAWorldCup) July 4, 2019
بێرکامب لە مۆندیالی 1998 لە یاریی بەرامبەر ئەرجەنتین گۆڵێکی سەرسوڕهێنەر و ناوازەی تۆمارکرد و ئەو گۆڵە بووە هۆی ئەوەی هۆڵەندا 2-1 بباتەوە و بگاتە قۆناخی پێش کۆتایی مۆندیالەکە.
وەزارەتی گەنجینەی هۆڵەندا راشیگەیاندووە، وەکو سیمبوڵێک بۆ ئەوەی بێرکامب درێسی ژمارە 8ـی دەپۆشی، دیمەنی گۆڵەکە دەخرێتە سەر دراوی 8 یۆرۆیی.
بێرکامب کە یاریی بۆ یانەکانی ئەیاکس و ئینتەر میلان و ئارسێناڵ کردووە، لەگەڵ هەڵبژاردەی هۆڵەندا 79 یاریی نێودەوڵەتی ئەنجام دا و 37 گۆڵی کردووە.
