یاریگا –
ئێرلینگ هالاند، ئەستێرەی هەڵبژاردەی نەرویج و یانەی مانچێستەر سیتی ئینگلیزی خەونە گەورەكەی خۆی ئاشكرا كرد.
لە گواستنەوەكانی هاوینی رابردوودا ئێرلینگ هالاند بە 60 ملیۆن یۆرۆ لە بۆرووسیا دۆرتمۆندەوە پەیوەندی بە مانچێستەر سیتیەوە كرد.
گرێبەستەكەی هالاند لەگەڵ سیتیزن لە هاوینی ساڵی 2027 بەسەردەچێت.
#ÚltimaHora ‼️ El Real Madrid tiene abierta la vía Haaland para 2024.
La prioridad de los blancos es Mbappé, pero no descartan al noruego, que sigue soñando con jugar de blanco.@Santos_Relevo 🤝 @JorgeCPicon https://t.co/2gwodl7AoL
— Relevo (@relevo) December 4, 2023
بەپێی زانیارییەكانی رێلیڤۆ ئێرلینگ هالاند بە كەسە نزیكەكانی راگەیاندووە كە خەونی یاریكردنە بۆ ریال مەدرید.
هەمان سەرچاوە ئاشكرایكردووە، خواستی یەكەمی یانە شاهانەكە لە گواستنەوەكانی هاوینی داهاتوودا گواستنەوەی كیلیان ئێمباپێیە، بەڵام لەگەڵ ئەویشدا چاودێری گواستنەوەی هالاند دەكەن.
لە راپۆرتەكەی رێلیڤۆشدا هاتووە، ریال مەدرید لە رێگەی كەسە نزیكەكانی گۆڵكارە نەرویجیەكەوە زانیویەتی كە یاریزانەكە لە داهاتوودا خەونی یاریكردنە بۆ یانەكەیان.
ئێرلینگ هالاند بە كردنی 14 گۆڵ لە پێشەنگی ریزبەندی گۆڵكارانی پرێمەرلیگ دێت.
