ڤیدیۆ: سوارێز و خانەوادەکەی بە دڵتەنگییەوە ماڵئاواییان لە گریمیۆ کرد

یاریگا –

لویس سوارێزی ئوروگوایی و خانەوادەکەی بە دڵتەنگییەوە ماڵئاواییان لە یانەی گریمیۆی بەڕازیلی کرد.

درەنگانی شەوی رابردوو، یانەی گریمیۆ لە یارییەکانی گەڕی 37ـی خولی بەڕازیلی و گەڕێک بەر لە کۆتایی هاتنی ئەم وەرزەی خولەکە لە یاریگای ئارێنا دۆ گریمیۆ، میوانداری ڤاسکۆ دی گامای کرد. یارییەکەش با تاکە گۆڵێکی لویس سوارێز، لە بەرژەوەندی گریمیۆ کۆتایی هات.

ئەم یارییە کۆتا یاری هێرشبەرە ئوروگواییەکە بوو لە یاریگای خۆیاندا، بۆیە لەگەڵ خانەوادەکەیدا ماڵئاواییان لە یانەکە و هاندەرانیان کرد. لە بارەی داهاتووشی هیچ وەڵامێکی یەکلاییکەرەوەی نەدایەوە.

هەست بە ئازار دەکەم، جەستەم لەبری من قسە دەکات، دەمەوێت جارێ چێژ لە یاریکردن وەربگرم، دوای بەسەربردنی کاروانێکی وەرزشی درێژخایەن بڕیاری کۆتایی بدەم.

جارێ پێویستە پشوو بدەم و لەگەڵ خانەوادەکەم چێژ وەربرگرم، چارەنووس دەزانێت یانەی داهاتووم کوێت دەبێت.

هاوکات بەپێی زانیارییەکانی رۆژنامەنووس فابریزیۆ رۆمانۆ، بە ئەگەرێکی زۆر لویزیتۆ بەم زووانە پەیوەندی بە یانەی ئینتەر مەیامەی ئەمریکی دەکات و لەگەڵ هاوڕێی دێرینی، لیۆنێل مێسی یەکدەگرێتەوە.

هێرشبەرە تەمەن 36 ساڵانییەکە بە درێسی یانە بەرازیلییەکە لە سەرجەم پاڵەوانێتییەکاندا بەشداری 52 یاری کرد، 24 گۆڵی کرد و 17 گۆڵیشی درووستکرد.

👚🇺🇸 Inter Miami are determined to seal Luis Suárez deal in the coming weeks as he’s leaving Gremio as free agent.

🇺🇾 “We are going to miss him, for sure. He was very loved by everyone. He’s leaving…”, Gremio coach Renato Gaúcho confirms. pic.twitter.com/Cxoko8J8fV

— Fabrizio Romano (@FabrizioRomano) December 2, 2023