یاریگا –
ئێریک تێن هاخ، راهێنەری مانچێستەر یونایتد لە دوای یەکسانبوونی لەگەڵ گاڵاتەسەرای لە قۆناخی کۆمەڵەکانی چامپیۆنزلیگ روونیکردەوە، مانچێستەر یونایتد بەیەکەوە دەدۆڕێت و سەردەکەوێت.
🗣️ Here’s the manager’s verdict on tonight’s game in Istanbul 👇#MUFC || #UCL
— Manchester United (@ManUtd) November 29, 2023
مان یونایتد هەرچەندە بە ئەنجامی 1-3 لە پێشەوە بوو، بەڵام لە گێمی دووەمدا، گاڵاتەسەرای ئەنجامەکەی یەکسانکردەوە و بەمەش گەیشتنی یونایتد بۆ قۆناخی 16 کەوتە مەترسییەوە. تێن هاخ لە دوای یارییەکە بەمشێوەیە بەرگری لە ئاندرێ ئۆنانا کرد
پێم وایە وەک تیم یارییەکی باشمان کرد، بەیەکەوە سەردەکەوین و شکستدەهێنین. بەرەوپێشچوون لەم تیمە بەدی دەکرێت، چەندین خاڵی ئەرێنیم لەم یارییەدا بینی، هەرچەندە هەندێ هەڵەمان کرد، بەڵام بەو شێوەیە یارییان کرد کە من داوام کردبوو. تیمەکەم زۆر چالاک، بوێر و گۆڵی سەرنجڕاکێش دەکەن.
مانچێستەر یونایتد لە پلەی چوارەمی کۆمەڵەکەیدا دێت و یاری داهاتوودا، لە ئۆڵدترافۆرد رووبەڕووی بایرن میونشن دەبێتەوە و پێش ئەو یارییەش، لە پرێمەرلیگ بەرامبەر نیوکاسڵ یاری دەکات.
