ڤیدیۆ: دیشان بەهەمان شێوەی ئێنریكێ ستایشی ئێمباپێ دەكات
یاریگا –
دیدیێ دیشان، راهێنەری هەڵبژاردەی فەڕەنسا بەهەمان شێوازی لویس ئێنریكێ ستایشی ئاستی كیلیان ئێمباپێ كاپتن و ئەستێرەی یەكەمی هەڵبژاردەكەی دەكات.
فەڕەنسا لە یاریگای خۆیدامیوانداری گیبرالتاری كرد و یارییەكەش بە ئەنجامی 14 گۆڵی بێ وەڵام لە بەرژەوەندی كەڵەشێرەكان كۆتایی هات، لە میانی یارییەكانی گەڕی نۆیەمی پاڵاوتنەكانی یۆرۆی 2024.
لە كۆی ئەو چواردە گۆڵە ئێمباپێ توانی سێ گۆڵ بكات و سێ گۆڵیش درووست بكات.
پێشتر لە یاری یانەكەی بەرامبەر ریمس ئێمباپێ هاتریكی كرد و ئێنریكێ لە لێدوانەكانی دوای یارییەكەدا ووتی كە چاوەڕێی زیاترلەو یاریزانە دەكات.
-“Un triplé, les félicitations de l’entraîneur ?”
-“Non j’attends beaucoup plus de lui vraiment !” 😂L’échange entre Didier Deschamps et Kylian Mbappé dans l’Après-Match. pic.twitter.com/WfKuNEMm68
— TF1 (@TF1) November 18, 2023
دیشان بە شێوازێكی گاڵتە ئامێز لە لێدوانەكانی دوای یارییەكەدا بۆ كەناڵی تێلیفۆت ووتی: چاوەڕوانی زیاتری لێدەكەم.
هەروەها ئێمباپێ لە دوای گەیشتنی بە گۆڵی ژمارە 300 ووتی:
ئەمە بەشێکە لە پڕۆسەکە، هەندێ یاریزان 800 یان 850 گۆڵیان لە کاروانی وەرزشیدا کردووە. 300 ژمارەیەکی زۆر سەرسووڕهێنەرە. پێویستە لە بەرەوپێشچوون لەگەڵ یانە و هەڵبژاردەکەم بەردەوام بم.
بەو بردنەوەیە فەڕەنسا بوو بە خاوەنی گەورەترین بردنەوە لە مێژووی پاڵاوتنەكانی یۆرۆدا.
