یاریگا –
تا دێت هەواڵی پێكرانی زیاتری یاریزانەكانی دەگات بە ئێریك تێن هاخی هۆڵەندی و راهێنەری یانەی مانچێستەر یونایتدی ئینگلیزی لە هەفتەی فیفادا.
شەوی رابردوو هەڵبژاردەی ئینگلتەرا لە یاریگای خۆیدا میوانداری هەڵبژاردەی ماڵتای كرد و یارییەكەش بە دوو گۆڵی بێ وەڵام لە بەرژەوەندی ئینگلیزەكان كۆتایی هات.
یانە ئەورووپییەكان هەمیشە گلەیی لە فیفا دەكەن بەهۆی یارییە نێودەوڵەتیەكانەوە و بە ڤایرۆسی فیفا ناوی دەبەن، بەهۆی ئەو پێكانانەی لەو ماوەیەدا بەرۆكی یاریزانەكان دەگرێت.
Man Utd have been handed two fresh injury concerns after Marcus Rashford and Andre Onana were both subbed off for their countries 🏴🇨🇲https://t.co/HY49YiueHx pic.twitter.com/2pfsFVqkUf
— Mirror Football (@MirrorFootball) November 17, 2023
بەپێی زانیاریەكانی رۆژنامەی زە سەن ماركۆس راشفۆرد لە یاری هەڵبژاردەكەی بەرامبەر ماڵتا تووشی پێكا بووە.
ئاماژە بەوەشكراوە، بەهۆی ئەو پێكانەوە راشفۆرد نەیتوانیووە یارییەكە تەواو بكات ولە خولەكی 61ی یارییەكەدا یاریگای جێهێشتووە و كۆل پالمەر لە جێگای بەشداری كردووە.
راشفۆرد یەكەم یاریزانی شەیتانە سوورەكان نیە لەم هەفتەیەدا تووشی پێكان دەبێت و پێشتر ئاندرێ ئۆنانای گۆڵپارێز تووشی پێكان بووە.
🚨🚨| Andre Onana has been subbed off for Cameroon due to injury. pic.twitter.com/p5baDiLPvf
— centredevils. (@centredevils) November 17, 2023
بەوەش ژمارەی یاریزانە پێكراوەكانی مانچێستەر یونایتد بۆ 12یاریزان بەرزبوویەوە.
