یاریگا
رافایل لیاو، هێرشبەری پۆرتوگاڵی یانەی ئەیسی میلانی ئیتاڵیا، بەهۆی پێکان ماوەیەک لە یاریگاکان دادەبڕێت.
لە یاریی نێوان ئەیسی میلان و لێچێ کە بە ئەنجامی 2-2 کۆتایی هات، هێرشبەرە پۆرتوگاڵیەکەی رۆسێنەری، هەر لە سەرەتای یارییەکە تووشی پێکان بوو و نەیتوانی لە یاریکردن بەردەوام بێت.
رۆژنامەی لاگازێتادێلۆسپۆرتی ئیتاڵی بڵاویکردەوە، لیاو لە رانیدا تووشی پێکان بووە، بەم هۆیەوە پێویستی بە نزیکەی سێ هەفتە پشوودان هەیە و بەشداری هیچ یارییەکی یانەکەی ناکات.
سەرچاوەکە بڵاویشی کردەوە تیمی پزیشکی میلان، لە هەوڵدایە ئەو یاریزانە بۆ یارییەکەی چامپیۆنزلیگ بەرامبەر بورووسیا دۆرتمۆند ئامادە بکات.
