یاریگا –
راپۆرتە رۆژنامەوانیەكانی سعودیە ناوی راهێنەری داهاتووی یانەی ئیتیحادی سعودیان ئاشكرا كرد.
لە ماوەی رابردوودا و بەهۆی ئەنجامە خراپەكانیەوە و تێكچوونی پەیوەندی لەگەڵ كەریم بێنزێمای ئەستێرەی یەكەمی یانەكەدا نونۆ سانتۆس لە پۆستی راهێنەرایەتیكردنی ئیتیحاد دوورخرایەوە.
🚨🚨🚨🚨🚨🚨 عاجل – @majed_ma_10 :
#الاتحاد يصل إلى اتفاق مع جولين لوبتيجي المدرب الإسباني لقيادة الفريق في ما تبقى من الموسم والمونديال خلفا للمقال نونو سانتو ويبقى التوقيع الرسمي بعد مناقشة بنود العقد والاتفاق عليها 🇪🇸💛 pic.twitter.com/j0cnFpOSIH
— ITTI MANIA – اتي مانيا (@IttiMania) November 10, 2023
بەپێی زانیاریەكانی رۆژنامەی ریازیەی سعودی ئیتیحاد لەگەڵ جولیان لۆپێتێگی ئیسپانی و راهێنەری پێشووی وۆلڤزی ئینگلیزی گەیشتووەتە رێككەوتن بەمەبەستی وەرگرتنی پۆستی راهێنەرایەتیكردنی یانەكە.
بەپێی زانیاریەكانی هەمان سەرچاوە، لۆپێتێگی تا كۆتایی وەرز دەبێتە راهێنەری ئیتیحاد.
لە راپۆرتەكەی ریازیەدا ئاماژە بەوەشكراوە، لەگەڵ راهێنەرە ئیسپانیەكە لەسەر سەرجەم مەرجەكان رێككەوتوون، تەنیا واژۆكردنی گرێبەستەكە و راگەیاندنی فەرمی ماوە.
ئیتیحاد بە كۆكردنەوەی 24 خاڵ لە ریزبەندی پێنجەمی خولی رۆشنی سعودی دێت لە دوای تێپەڕبوونی 13 هەفتەی خولەكە.
