یاریگا –
یانەی ڤالێنسیای ئیسپانی لە بەیاننامەیەكی فەرمیدا بەهۆی ڤینیسیۆس جونیۆرەوە رەخنەی لە گۆڤاری فرانس فوتبۆڵی فەڕەنسی گرت.
شەوی رابردوو فرانس فوتبۆڵ لە ئاهەنگێكدا لە پاریسی پایتەختی فەڕەنسا ناوی براوەی باڵۆن دۆری بۆ ساڵی 2023 ئاشكرا كرد.
لیۆنێل مێسی ئەفسانەی تۆپی پێی ئەرجەنتینی و یانەی ئینتەر مەیامی بۆ جاری هەشتەم لە مێژوویدا توانی خەڵاتەكە بباتەوە.
ڤینیسیۆس جونیۆر خەڵاتی سۆکراتیسی بەدەستهێنا بەهۆی کارە خێرخوازیەکانی لە رێگەی دامەزراوەی “ڤینی” و شازادەی مۆناکۆ، ئەلبێرتی دووەم، خەڵاتەکەی پێشکەش بە یاریزانەکەی ریال مەدرید کرد.
لە دوای وەرگرتنی خەڵاتەكە ئەستێرە بەڕازیلییەكە باسی لەوە كرد كە بەردەوام دەبێت لە بەرەنگاربوونەوەی رەگەزپەرستی.
💬 Vinicius Jr : «It is important to be together and fight racism. I would like to thank all the great players here who help us to fight.»#ballondor pic.twitter.com/Q15S6jyNZ8
— Ballon d'Or #ballondor (@ballondor) October 30, 2023
لە كاتی لێدوانەكانی ڤینی دا لە هۆڵی ئاهەنگەكە وێنەی ئەو رووداوە رەگەزپەرستیە نیشان درا كە وەرزی رابردوو لە یاریگای مێستایای ڤالێنسیا رووبەڕووی بوویەوە.
El @valenciacf lamenta el uso en la gala del Balón de Oro de nuestra imagen y su asociación a unos comportamientos aislados que el Club persiguió de forma urgente y tajante, aplicando el castigo más severo a los implicados.
Reiteramos nuestra condena más absoluta contra el…
— Valencia CF (@valenciacf) October 30, 2023
لە دوای دەركەوتنی یاریگای مێستایا لە ئاهەنگەكەدا یانەی ڤالێنسیا بەیاننامەیەكی فەرمی بڵاوكردەوە و تێیدا هاتووە:
یانەی ڤالێنسیا بەداخە بۆ بەكارهێنانی وێنەكەمان لە ئاهەنگی تۆپی ئاڵتوونی و كە بەستراوەتەوە بەو هەڵسوكەوتانەی یانەكە بە خێرایی بەدوایدا رۆیشتووە، توندترین سزای بەسەر ئەو كەسانەدا داوە كە تێیدا بەشدار بوون.
ئێمە ئیدانەی رەگەزپەرستی دەكەین، بەڵام داوای ئەوپەڕی رێزگرتن لە هاندەران و یانەكەمان دەكەین.
