یاریگا –
بەشێوەیەكی فەرمی هەڵبژاردەی ئیسپانیا لامین یەمال ئەستێرەی هەڵبژاردەكەی و یانەی بارسێلۆنای لە یارییەكانی داهاتووی هەڵبژاردەكەی دوورخستەوە.
لە چەند رۆژی داهاتوودا هەڵبژاردەی ئیسپانیا بەرامبەر هەڵبژاردەكانی سكۆتلاند و نەرویج لە میانی پاڵاوتنەكانی گەیشتن بە یۆرۆی 2024 یاری دەكات.
لاوەكەی بلاوگرانا تووشی پێكان هات و یانەی بارسێلۆنا لە بەیاننامەیەكدا پێكانەكەی پشتڕاستكردەوە.
هەڵبژاردەی ئیسپانیا دووپاتیكردەوە لە دوای ئەو پشكنینە پزیشكیانەی یاریزانەكە ئەنجامیداوە، مەشق و راهێنانەكانی هەڵبژاردەكەی جێدەهێڵیت و بەرەو یانەكەی دەگەڕێتەوە بۆ مەبەستی وەرگرتنی چارەسەر.
هەڵبژاردەی ئیسپانیا لە بەیاننامەیەكدا رایگەیاند:
لامین یەمال راهێنانەكانی هەڵبژاردەی ئیسپانیا جێدەهێڵێت، دوای ئەوەی لەلایەن پزیشكەكانەوە پشكنینی بۆ كرا و دیاریكرا كە ناتوانێت بەشداری لە دوو یاری داهاتووی پاڵاوتنەكانی یۆرۆی 2024 بكات.
🚨 𝗢𝗙𝗜𝗖𝗜𝗔𝗟 | Lamine Yamal deja la concentración de la Selección española.
ℹ️ https://t.co/Ki1myXixXK#VamosEspaña | #EURO2024 pic.twitter.com/eJe0PRzmsU
— Selección Española Masculina de Fútbol (@SEFutbol) October 10, 2023
ئەوە دووەمجارە لاوەكەی بارسێلۆنا لەلایەن هەڵبژاردەی ئیسپانیاوە بانگهێشتبكرێت.
