کریستیانۆ رۆناڵدۆ دی خیا دەباتە خولی سعودی

یاریگا –

کریستیانۆ رۆناڵدۆی پۆرتوگالی دەیەوێت دەیڤد دی خیای ئیسپانی، بەرەو خولی سعودی ببات.

ئەفسانە پۆرتوگالییەکە لە سەرەتای ساڵی 2023 پەیوەندی بە یانەی نەسڕی سعودی کرد، ئەمەش بووە هەنگاوێک بۆ پەیوەندیکردنی دەیان ئەستێرەی دیاری ئەورپا بە خولی رۆشەنی سعودییەوە.

پێگەی 90min بڵاویکردووەتەوە، کریستیانۆ رۆناڵدۆ لە هەوڵدایە تا یانەی نەسڕ رازیبکات گرێبەست لەگەڵ دەیڤد دی خیای ئیسپانی و گۆڵپارێزی پێشووی یانەی مانچێستەر یونایتد واژۆ بەکەن.

بەپێی هەمان سەرچاوە، کریستیانۆ زۆر ئارەزوو دەکات جارێکی دیکە لەپاڵ هاوڕێکەی یاری بکات، لەپێناو ئەو ئامانجەیش تەواوی هەوڵەکانی خۆی چڕکردووەتەوە.

گۆڵپارێزە تەمەن 32 ساڵانییەکە لەم هاوینە گرێبەستەکەی لەگەڵ مانچێستەر یونایتد کۆتایی هات. وەک کۆتا یاریزانی سێر ئەلێکس فێرگسۆن ماڵئاوایی لە یانەکە کرد. ئێستایش بەبێ یانە ماوەتەوە.

بەپێی دوایین هەواڵەکانیش ناوبراو بڕیاریداوە ئەگەر بەم زووانە ئۆفەرێکی شیاوی یانەیەکی گەورەی پێنەگات بە یەکجاری واز لە یاریکردن دەهێنێت.