یاریگا –
وا بڕیارە ئەمڕۆ سێشەممە تیروپشكی یارییەكانی جامی جیهانی یانەكان لە وڵاتی سعودیە بەڕێوە بچێت.
چاوەڕوان دەكرێت ئەمڕۆ كاتژمێر 2ـی دوای نیوەڕۆ لە جەددەی سعودیە تیروپشكی یارییەكانی جامی جیهانی یانەكان رابكێشرێت و تیروپشكەكەلە ماڵپەڕی فەرمی فیفا پەخشدەكرێت.
یانە بەشداربووەكانی جامی جیهانی یانەكان بۆ ساڵی 2023:
حەوت یانە بەشداری لە جامی جیهانی یانەكان دەكەن كە تا ئێستا ناسنامەی شەش یانەیان ئاشكرا كراوە.
یانە بەشداربووەكانی جامی جیهانی یانەكان بۆ ساڵی 2023 بریتین لە: ئەهلی پاڵەوانی خولی یانە پاڵەوانەكانی ئەفریقا، ئیتیحاد پاڵەوانی خولی سعودی و نوێنەری وڵاتی میواندار، ئۆراوای یابانی پاڵەوانی ئاسیا، ئۆكلاند سیتی پاڵەوانی ئۆقیانووس، كلۆب لیۆنی مەكسیكی پاڵەوانی كۆنكاكاف، مانچێستەر سیتی پاڵەوانی خولی یانە پاڵەوانەكانی ئەوروپا و پاڵەوانی كۆپا لیبەرتادۆرس كە هێشتا دیاری نەكراوە.
یارییەكانی قۆناخی یەكەم لە بەرواری 12-12بەڕێوە دەچێت و قۆناخی دووەم لە بەرواری 15-12، هەروەها یارییەكانی قۆناخی پێش كۆتایی لە بەرواری 18,19-12 دەكرێن.
خەڵاتەكانی پاڵەوانییەتیەكە چین؟
پاڵەوان: 5 ملیۆن دۆلار
پلەی دووەم: 4 ملیۆن دۆلار
پلەی سێیەم: 2.5 ملیۆن دۆلار
پلەی چوارەم: 2 ملیۆن دۆلار
پلەی پێنجەم: 1.5 ملیۆن دۆلار
پلەی شەشەم: یەك ملیۆن دۆلار
پلەی حەوتەم: 500 هەزار دۆلار
