یاریگا-
رۆژنامەی لیکیپی فەرەنسی ئاشکرایکرد دوای 82 رۆژ لە نەخۆشخانە، ئەمڕۆ سێرجیۆ ریکۆی گۆڵپارێزی پاریس سانجێرمان نەخۆشخانە بەجێدەهێڵێت.
ریکۆ لە مانگی ئایاردا بۆ 19 رۆژ چووە کۆماوە، کاتێک توشی رووداوێکی نەخوازراو بوو لە کاتی ئەسپسواریدا، دواتر لە 4 ی تەمووز لە چاودێری چڕ دەرچوو.
بڕیاڕە ئەمڕۆ هەینی ریکۆی تەمەن 29 ساڵان نەخۆشخانە بەجێبهێڵێت.
ئەلبا سیلڤا کە هاوسەری سێرجیۆ ریکۆیە لە ئینستاگرام نوسیویەتی:
دواین شەو لە نەخۆشخانە، لە کۆتاییدا، دواجار نەخۆشخانە بەجێدەهێڵین، هەرچەندە باوەڕناکەم تاوەکو لە دەرگاکە دەچینە دەرەوە.
جێگای باسە ریکۆی ئیسپانی وەرزی پێشوو هیچ خولەکێک یاری نەکرد لەگەڵ پاریس سانجێرمان، وە ساڵی 2024 گرێبەستەکەی تەواو دەبێت.
