ئیدەرسن ئامانجی یانەیەکی سعودییە
یاریگا –
یانەی هیلالی سعودی پەیوەندی بە یانەی مانچستەر سیتی ئینگلیزیەوە کردووە بۆ پرسیارکردن لە مەرجەکانی گواستنەوەی ئیدرسن سانتانا گۆڵپارێزە بەڕازیلیە کەی ئەم تیپە.
پڕۆسەی پەیوەندیکردنی یاریزانە گەورە و درەوشاوەکانی تۆپی پێی ئەوروپا بۆ خولی سعودیە لەم هاوینەدا بەردەوامە. زۆرێک بوونی کەریم بێنزێما یان سادیۆ مانێیان لەم خولەدا بە گرنگترین رووداوی ئەم گواستنەوەیە دەزانی، بەڵام هیلال بە گرێبەست کردن لەگەڵ نەیمار هاندەرانی تۆپی پێ لە سەرانسەری جیهاندا تووشی سەرسوڕمان و شۆک کرد.
بەڕێوەبەرانی ئەم یانەیە پێشتر هەوڵیان دابوو لیۆنێل مێسی و کیلیان ئێمباپێ بە بە ئۆفەرێکی مێژوویی بگوازنەوە، بەڵام سەرکەوتوو نەبوون، ئۆفەرەکانیان لەلایان ئەم یاریزانانەوە رەت کرایەوە.
ئێستا سەرچاوەکانی هەواڵ لە ئینگلتەرا بانگەشەی ئەوە دەکەن کە بەڕێوەبەرانی ئەم یانە سعودیە کەلە ئێستادا بە گرانترین یانەی مێژووی تۆپی پێی ئاسیا ناودەبرێت، پەیوەندییان بە بەڕێوەبەرانی سیتی کردووە بۆ ئەوەی پرسیار لەسەر مەرجەکانی گواستنەوەی ئیدرسن بکەن.
Manchester City do not expected any movement around Ederson despite new links with Al Hilal 🔵🔒🇧🇷 #MCFC
Al Hilal set to proceed with agreement on personal terms with Bono as new GK after deal agreed with Sevilla on €21m fee. pic.twitter.com/wB7SV6NCXH
— Fabrizio Romano (@FabrizioRomano) August 16, 2023
گۆڵپارێزە بەڕازیلییەکە لە چەند وەرزی رابردوودا ئاستێکی شایستەی بۆ سیتی پێشکەش کردووە و رۆڵێکی گرنگی هەبووە لە سەرکەوتنەکانی یانەکەی لە پرێمەرلیگ هەروەها گرێبەستەکەی لە ساڵی 2026 کۆتایی پێدێت، بەڵام پێناچێت گۆڵپارێزە بەڕازیلییەکە لە مانچستەر سیتی دووربکەوێتەوە، چونکە هێشتا لە لوتکەی هێزی وەستاندنی یانەکانی بەرامبەر دایە.
لەلایەکی دیکەوە یانەی هیلال نزیکە لە گواستنەوەی یاسین بۆنۆی گۆڵپارێزی سێڤیا بەم نزیکانە. ئەوان گەیشتوونەتە رێککەوتن بۆ ئەوەی بە بڕی 21 ملیۆن پاوەند گۆڵپارێزە مەغریبیەکە بگوازنەوە، وەک فابریزیۆ رۆمانۆ، شارەزا لە بواری گواستنەوەی یاریزانان ئاماژەی پێکردووە.
Yassine Bono to Al Hilal, here we go! Documents to be checked today for Moroccan GK who’s joining Saudi league on three year deal 🔵🇸🇦
Sevilla agreed €21m package deal with Al Hilal on Tuesday. Medical booked.
Next one to close after Neymar and Bono: Aleksandar Mitrović. pic.twitter.com/k6lFamC0Ma
— Fabrizio Romano (@FabrizioRomano) August 17, 2023
