گواستنەوەی مەگوایەر بۆ وێستهام هەرەسی هێنا

یانەی وێستهام یونایتد کشایەوە لە هەوڵەکانی بۆ گواستنەوەی هاری مەگوایەری بەرگریکاری مانچێستەریونایتد.

کاپتنەکەی پێشووی شەیتانە سوورەکان نزیک لەوەی پەیوەندی بە وێستهامەوە بکات بەڵام گاردیان دەڵێت گفتوگۆکان هەرەسی هێناوە و کۆتایی هاتووە.

سەرچاوەکە دەڵێت، هەردوو یانە گەیشتبوونە رێککەوتنی کۆتایی، کێشەکە بەهۆی خودی یاریزانەکەوە بووە کە داوای کردووە 7 ملیۆن پاوەندی کردووە بۆ ئەوەی یونایتد جێبهێڵێت، وێستهامیش بەمە رازی نەبووە.

ئەمە جگە لەوەی دوو دڵی ئەو یاریزانە لە رۆیشتن و چاوەڕوانیی بەردەوام، وای لە وێستهام کردووە کۆتایی بە هەوڵەکانیان بهێنن.

مەگوایەر بە 80 ملیۆن پاوەند روویکردە یونایتد و هەفتانەی مووچەی 190 هەزار پاوەند وەردەگرێت. هەرچەندە چیتر لەلایەن تێن هاگەوە پشتی پێنابەسترێت بەڵام ئامادەیە بمێنێتەوە و لەسەر کورسی یەدەگ دابنیشێت.