گرانبەهاترین 100 گواستنەوەی مێژووی تۆپی پێ

یاریگا-بازاڕی گواستنەوەی ئەمساڵ یەکێکە لە چالاکترین گواستنەوەکانی مێژووی تۆپی پێ، وە چەندین ژمارەی پێوانەیی شکێندرا.

تادێت نرخی یاریزانان لە بەرزبوونەوەدایە ئەمەش بەهۆی ئەوەی پارەیەکی زۆر لەم وەرزشەدا کۆبووەتەوە و بەرژەوەندی یانەکان بەجۆرێکە ئامادەبن بە هەموو نرخێک ئەو یاریزانە بگوازنەوە کە مەبەستییانە. لە رابردوودا پارەی زۆر تەنها بۆ ئەستێرە گەورەکانی تۆپی پێ بوو بەڵام یانەکان سەرکێشی بە لاوە بەهرەمەندەکانەوە دەکەن و پارەیەکی زۆر دەدەن بەو هیوای لە داهاتوو ببنە ئەستێرەی دیار.

لە ساڵانی رابردوو یانەکانی بارسێلۆنا و ریاڵ مەدرید خاوەنی زۆرینەی گرێبەستە گەورەکان بوون بەڵام لەم چەند ساڵەی رابردوودا، لە ئینگلتەرا نرخی یاریزانان بەشێوەیەکی شێتانە بەرزبووەتەوە. سەرەتا لە مان سیتییەوە دەستی پێکرد بەڵام دواتر چێڵسی و ئێستاش مانچێستەر یونایتد، ئارسناڵ و لیڤەرپوولیش لە هاوکێشەکەدان.

گەورەترین کڕیار

یانەی چێلسی 15 جار ناوی هاتووە لە ریزی گواستنەوەی یاریزانانی 100 گرانترینی جیهان دا. یانەی مانچێستەر سیتی لەدوای ئەو دێت بە ، ١٢ گرێبەست.

گرانترین هەرزەکار

کیلیان ئێمباپێ تەمەنی تەنها 19 ساڵ بوو کاتێک بووە دووهەم گرانبەهاترین گرێبەستی مێژوو.

گرانبەهاترین بەرگریکار

هاری مەگوایەر بۆ مانچێستەر یونایتد بە87 ،ملیۆن یۆرۆ، ئەو یاریزانەی کردە گرانبەهاترین بەرگریکاری مێژوو.

گرانبەهاترین گۆڵپارێز

کیپا ئەریزابالاگا لە 2018دا بە 80 ملیۆن یۆرۆ گوێزرایەوە بۆ چێڵسی، بەوەش تا ئەمڕۆ گرانبەهاترین گۆڵپارێزە.

کۆنترین گرێبەست

زۆرینەی گرێبەستەکانی 100 گرانبەهاترینی مێژوو لە پێنج ساڵی رابردوودان بەڵام لە 2000دا ریاڵ مەدرید بە 60 ملیۆن یۆرۆ لویس فیگۆی گواستەوە , ساڵێک دواتر یوڤێنتۆس بە 52 ملیۆن یۆرۆ، جیانلویجی بوفۆنی گواستەوە لە یەکێک لە باشترین گرێبەستەکانی مێژوودا. وە زینەدین زیدان لە هەمان یانەوە پەیوەندی بە ریاڵ مەدریدەوە کرد.

گرانبەهاترین 100 گرێبەستی مێژووی تۆپی پێ بەم جۆرەیە