ریال مەدرید بەڵێنێکی خەیاڵی بە ئێمباپێ داوە

یاریگا

یانەی پاریس سانجێرمانی فەرەنسی ئاواتەخوازە لەم هاوینەدا کیلیان مباپێ بفرۆشێت، بۆ ئەوەی بیرۆکەی ڕۆشتنی بەخۆڕایی نەبێت، دوای ئەوەی گرێبەستەکەی لە مانگی حوزەیرانی 2024 کۆتایی دێت.

ئەو یاریزانە ڕەتیدەکاتەوە ئەم هاوینە یانەکەی جێبێڵێت، سەرەڕای ئەوەی لە گەشتە ئاسیاییەکەی تیپەکە دوورخراوەتەوە، دەیەوێت تا هاوینی داهاتوو بەردەوام بێت پێش ئەوەی ڕووبکاتە ڕیال مەدرید، بەڵام پەیامەکە لە پاریسەوە ڕوونە، یان نوێبکاتەوە یان لە ئێستاوە بڕوات.

ڕۆژنامەنووس جۆناسان جۆنسۆن لە ستوونی تایبەتی خۆیدا لە بەرنامەی “CaughtOffside” دەلێت، ڕیاڵ مەدرید بەڵێنی بە ئێمباپێ داوە 160 ملیۆن یۆرۆ وەکو پاداشت پێشکەشی بکات، لە بەرامبەر ئەوەی گرێبەستەکەی لەگەڵ پاریس نوێ بکاتەوە و تا کۆتایی گرێبەستەکەی بمێنێتەوە.

ئەو رۆژنامەنوسە بڵاویشی کردووەتەوە، یانە ئیسپانییەکە پێی باشە ئەو پارەیە لەبری ئەوەی پێشکەشی پاریس سان جێرمان بکەن، باشترە پێشکەشی خودی یاریزانەکە بکەن، بەمەرجێک هاوینی داهاتوو بێ بەرامبەر پەیوەندی بە یانەکەیانەوە بکات.

لە ئەگەری ڕوودانی ئەم سیناریۆیە، گرێبەستی ئێمباپێ بەشێک دەبێت لە گۆڕانکارییەکی سەرنجڕاکێش لە جیهانی تۆپی پێدا کە دەبێتە هۆی بەرزبونەوەی بەهای یاریزانەکانە دوای تەواوبوونی گرێبەستەکەی، وەک ئەوەی لە NBA و خولی تۆپی پێی ئەمریکیدا ڕوودەدات.