بە فەرمی ئینیگۆ مارتینێز پەیوەندی بە بارسێلۆنا کرد
یاریگا –
بەشێوەیەکی فەرمی بەرگریکاری پێشوی یانەی ئاتلێتیک بلباو، ئینیگۆ مارتینێز پەیوەندی بە بارسێلۆنا کرد.
بەشێوەیەکی فەرمی یانەی بارسێلۆنا گواستنەوەی بەرگریکاری ئیسپانی و یاریزانی پێشوی یانەی ئاتلێتیک بلباو، ئینیگۆ مارتینێزی راگەیاند.
بەرگریکارە تەمەن 32 ساڵانییەکە، پاش کۆتایی هاتنی گرێبەستەکەی لەگەڵ بلباو، بە گرێبەستێکی ئازاد پەیوەندی بە یانە کەتەلۆنییەکە کرد.
Nadie:
Absolutamente nadie:
Iñigo Martinez: 👐👅Un nuevo culer llega a Barcelona 🔥 pic.twitter.com/qYGHvz9c9b
— FC Barcelona (@FCBarcelona_es) July 5, 2023
گرێبەستەکەی مارتینێز لەگەڵ بارسێلۆنا بۆ ماوەی دوو وەرز دەبێت، یاریزانی ناوبراو تا هاوینی ساڵی 2025 یاری بۆ سوور و شین پۆشەکانی ئیسپانیا دەکات.
بارسێلۆنا لە راگەیەنداروێکی فەرمیدا ئاماژەی بەوەش کردووە، مەرجی هەڵوەشاندنەوەی گرێبەستی مارتینێز 400 ملیۆن یۆرۆیە.
ئینیگۆ 13 وەرزە لە لالیگا یاری دەکات، 7 وەرز یاری بۆ ریال سۆسیداد و 6 وەرزیش یاری بۆ ئاتلێتیک بلباو کردووە.
