یاریگا –
ئیلكای گوندۆگان، ئەستێرەی پێشووی یانەی مانچێستەر سیتی ئینگلیزی و هەڵبژاردەی ئەڵمانیا بە شێوەیەكی فەرمی پەیوەندی بە ریزەكانی بارسێلۆناوە كرد.
رۆژی رابردوو هەژماری فەرمی بارسێلۆنا گرێبەستی ئیلكای گوندۆگانی راگەیاند بە بێ ئەوەی ژمارەی درێسی یاریزانەكە لەگەڵ ئەو یانەیە دیاری بكرێت.
𝐆𝐮̈𝐧𝐝𝐨𝐠̆𝐚𝐧 pic.twitter.com/CwDwS1DfZF
— FC Barcelona (@FCBarcelona) June 26, 2023
بەپێی زانیاریەكانی رۆژنامەی مۆندۆ دیپۆرتیڤۆ حەوت ژمارە بەردەستە لە بەردەم گوندۆگان بۆ ئەوەی لەگەڵ بارسێلۆنا بیپۆشێت.
ژمارەكان بریتین لە ( 2,3,5,12,14,16,18 ) كەپێشتر ناوەڕاستكارە ئەڵمانیەكە هیچ كام لەو ژمارانەی نەپۆشیوە.
ژمارە 8 كە گوندۆگان پێێ ناسراوە و پێشتر لە یانەكانی مانچێستەر سیتی و بۆرووسیا دۆرتمۆند دەیپۆشی لەلایەن پێدری گۆنزالێزەوە خاوەندارێتی دەكرێت.
هەروەها لەگەڵ هەڵبژاردەی ئەڵمانیاش درێسی ژمارە 21 دەپۆشێت كە لە یانە كەتەلۆنییەكە فرانكی دی یۆنگ دەیپۆشێت.
So happy to join this amazing club 🔵🔴 Can't wait to get this new chapter started 🔥 #ForçaBarça @FCBarcelona pic.twitter.com/BmTDLFusU2
— Ilkay Gündogan (@IlkayGuendogan) June 26, 2023
وەرزی رابردوو گوندۆگان لەگەڵ مانچێستەر سیتی بەشداری لە 52 یاری كرد و توانی 11 گۆڵ بكات و 6 گۆڵیش درووست بكات.
