هاڤێرتز و کۆڤاسیچ: ئێمە ئامادەین
یاریگا –
کای هاڤێرتز بە بڵاوکردنەوەی تویتێک، گڕ لە نێوان ئارسیناڵ و چێڵسی بەردەدات.
هاڤێرتز، ئەستێرەی چێڵسی وێنەیەکی خۆی لەگەڵ ماتیۆ کۆڤاسیچ لە تویتەر بڵاوکردووەتەوە و لە کاپشنەکە نووسیویەتی ”ئێمە ئامادەین”. هەردوو ئەستێرەکە لە چێڵسی یاری دەکەن، بەڵام پێشبینی چوونە دەرەوەیان لە ستامفۆرد بریج دەکرێت.
We’re ready @mateokovacic8 pic.twitter.com/x2uYFmXjul
— Kai Havertz (@kaihavertz29) June 25, 2023
کۆڤاسیچ و هاڤێرتز لە بۆنەی هاوسەرگیری کێپا ئاریزابالاگا، گۆڵپارێزی چێڵسی وێنەکەیان چرکاندووە، بە بڵاوکردنەوەی وێنەکە، دەنگۆکانی چوونە دەرەوەیان لە چێڵسی زیاتر بوو.
هاڤێرتز نزیکە لە پەیوەندی کردن بە ئارسیناڵ و بڕی پارەی پێشکەشکراو گەیشتووەتە 83 ملیۆن دۆلار و کۆڤاسیچیش نزیکە بە بڕی 38 ملیۆن دۆلار پەیوەندی بە مانچێستەر سیتییەوە بکات.
دواتر جۆرجینۆی ئەستێرەی ئیتاڵی، وێنەیەکی لەگەڵ هاڤێرتز بڵاوکردەوە، کە ئیمۆجی چاوەڕوانی و چاودێری لەسەر داناوە، وەک ئاماژەیەک بۆ دووبارە کۆبوونەوەیان لە یەک تیم.
