هالاند: لە پێناو بەدەستهێنانی جامی یەكێتی ئینگلتەرا دەجەنگین
یاریگا –
ئێرلینگ هالاند، ئەستێرەی یانەی مانچێستەر سیتی ئینگلیزی دووپاتێكردەوە كە یانەكەی دەجەنگێت لە پێناو بەدەستهێنانی نازناوی جامی یەكێتی ئینگلتەرا.
وا بڕیارە ئەمڕۆ شەممە كاتژمێر 17:00 بە كاتی كوردستان مانچێستەر سیتی و مانچێستەر یونایتد لە یاریگای وێمبڵی رووبەڕووی یەك ببنەوە، لە میانی یاری كۆتایی جامی یەكێتی ئینگلتەرا.
مانچێستەر سیتی بە بردنەوەیان لە شیفیلد یونایتد و مانچێستەر یونایتد بە بردنەوەیان لە برایتن توانیان خۆیان بگەیەننە یاری كۆتایی.
لە لێدوانیدا بۆ پێگەی The Fa هالاند ووتی: كاتێك یاری بۆ یانەیەكی وەك مانچێستەر سیتی دەكەیت، دەبێت شەڕ بۆ هەموو نازناوێك بكەیت.
بەردەوام بوو ووتی: جامی یەكێتی ئینگلتەرا نازناوێكە یانەكە نەیتوانیووە لە كۆتا چوار ساڵدا بەدەستیبهێنێت، دەمانەوێت ئەوە بگۆڕین، هەمووان بە تامەزرۆییەوە دەگەنە وێمبڵی بۆ ئەنجامدانی ئەو یارییە.
𝐖𝐄𝐌𝐁𝐋𝐄𝐘 on the horizon! ⏳ pic.twitter.com/PcbFe3xbVi
— Manchester City (@ManCity) June 2, 2023
گۆڵكارەكەی سیتیزن لە درێژەی قسەكانیدا ووتی: ئێمە دەزانین رووبەڕووبوونەوەی مانچێستەر یونایتد چەند گرنگە بۆ هاندەران، دەمانەوێت وا بكەین شانازی بكەن و دڵخۆشیان بكەین.
