یەكەم لێدوانی حەمیدزیچ دوای دوورخستنەوەی لە بایرن
یاریگا –
لێدوانی حەسەن سالح حامیدزیچی بۆسنی و بەڕێوەبەری وەرزشی پێشووی یانەی بایرن میونشنی ئەڵمانی دوای دوورخستنەوەی لە پۆستەكەی.
دوێنێ شەممە بایرن میونشن بڕیاری دەركردنی حەسەن سالح حامیدزیچ و ئۆلیڤەر كانی لە پۆستەكەیان دا دوای ماوەیەكی كەم لە بە پاڵەوان بوونی بایرن میونشن.
یانە باڤارییەكە بۆ جاری سی و سێ لە مێژوویدا توانی ببێتە پاڵەوانی خولی ئەڵمانیا و بۆ جاری یانزەیەم لەسەر یەك نازناوەكەی بردەوە، بەڵام هەردوو نازناوی چامپیۆنزلیگ و جامی ئەڵمانیایان لەدەستدا و نزیك بوون لە لەدەستدانی خولی ئەڵمانیاش.
FC Bayern Aufsichtsrat: Trennung von Oliver Kahn und Hasan Salihamidžić – Jan-Christian Dreesen neuer Vorstandsvorsitzender.
— FC Bayern München (@FCBayern) May 27, 2023
لە لێدوانیدا بۆ ماڵپەڕی فەرمی یانەكەی حامیدزیچ ووتی: شانازی دەکەم کە نزیکەی شەش ساڵە پۆستی بەڕێوەبەری وەرزشی یانەی بایرن میونشنم وەرگرتووە، دەمەوێت سوپاسی سەرجەم یاریزانان و راهێنەران و تەواوی ستافی راهێنەران بکەم.
بەردەوام بوو ووتی: گەشتێکی جوان بوو کە ویستم بەردەوام بم، بەڵام رێز لە بڕیاری دەستەی کارگێڕی دەگرم، بایرن میونشن لە سەرووی هەموو شتێکەوەیە و هیوای سەرکەوتن بۆ تیپەکەمان و هاندەرانمان دەخوازم.
