یاریگا –
لە یارییەکەی رابردووی ریال مەدرید بەرامبەر خێتافی لە خولی ئیسپانی، هەڵەیەکی ناوبژیوانی لە یارییە روویداوە و ئێستا بووەتە باسی رۆژنامەکان.
ریال مەدرید بە گۆڵێکی مارکۆ ئاسێنسیۆ یارییەکەی بردەوە، بەڵام رووداوێیکی نێو یارییەکە بووەتە بابەتی گەرمی ئەمڕۆ.
رۆژنامەی ئاس بڵاویکردووەتەوە، مارتینێز مونێرا، ناوبژیوانی یارییەکە هەڵەیەکی کوشندەی کرد، کاتێک کارلۆ ئانچێلۆتی بڕیاریدا ئالڤارۆ ئۆدریۆزۆلا بخاتە شوێنی ئاسێنسیۆ، ئەم رووداوە لە خولەکی 84 روویدا و ئاسێنسیۆ یاریگای جێهێشت.
⚽ Asensio fue sustituido por Odriozola, pero entonces Camavinga se lesionó y volvió al campo. Se trató de un error arbitral de Martínez Munuera. https://t.co/oRunebhdNv
— Diario AS (@diarioas) May 13, 2023
لەو کاتەدا، ئێدوارد کاماڤینگا تووشی پێکان بوو و داوای گۆڕانکاری کرد، جارێکی دیکە ئاسێنسیۆ گەڕایەوە نێو یاریگا و گۆڕانکارییەکە لە نێوان ئۆدریۆزۆلا و کاماڤینگا کرا، ئەمەش بە رەزامەندی ناوبژیوان.
رۆژنامەکە جەختیکردووەتەوە، پێویست بوو، ناوبژیوانی یارییەکە رێگری لە گەڕانەوەی ئاسێنسیۆ بۆ یاریگا بکات و ریال مەدرید بە گوێرەی ماددەی سێییەمی یارییەکە، بە 10 یاریزان یارییەکە تەواو بکات.
ئەستەمە بڕیار لەسەر لایەنگری ناوبژیوان بدەین، بەڵام ئێستاش خێتافی دەتوانێت تانە لە ئەنجامی یارییەکە بدات و سکاڵا لای لیژنەی هونەری ناوبژیوانان بکات.
🚨 It's NOT true that Real Madrid could lose the game against Getafe 0-3 due to "improper alignment". Asensio had not left the pitch yet when Camavinga asked to be taken off (instead of Asensio). @marca pic.twitter.com/lcYlOYwqzO
— Madrid Xtra (@MadridXtra) May 14, 2023
روونکردنەوەی رۆژنامەی مارکا
لەلایەکی دیکەوە، رۆژنامەی مارکا لەبارەی رووداوەکە نووسیویەتی
بە گوێرەی یاساکە، ریال مەدرید بە ئەنجامی 3-0 بە دۆڕاو هەژمار ناکرێت، چونکە ئاسێنسیۆ یاریگای جێنەهێشتبوو و لە کاتی گۆڕانکارییەکە، لە یاریگا مابووەوە، لەو کاتەدا کاماڤینگا لە ناوچەیەکی دیکەی یاریگا، چووە دەرەوە.
No sé muy bien la normativa, el cambio se había hecho, Asensio había salido ya del campo y después se ha rehecho el cambio y el sustituido ha sido Camavinga, se puede hacer? https://t.co/Eh2ZT6UpGt
— Arnau (@BetterCallArnau) May 14, 2023
بە گوێرەی ئەو ڤیدیۆیەی بڵاوکراوەتەوە، دەردەکەوێت کە ئاسێنسیۆ بەرەو چوونە دەرەوە لە یاریگا هەنگاو دەنێت و تەنانەت سڵاوی لە ئۆدریۆزۆلا کرد، بەڵام هەر زوو دەردەکەوێت، کارلۆ ئانچێلۆتی درکی بە بابەتەکە کرد و داوای لە ئاسێنسیۆ کرد، نەهێتە دەرەوە یاریگا، بەڵکو راستەوخۆ گۆڕانکارییەکەی بۆ کاماڤینگا گۆڕی، چونکە تووشی پێکان بوو.
ریال مەدرید بەو بردنەوەیە، کۆی خاڵەکانی گەیاندە 71 خاڵ، بە جیاوازی 11 خاڵ لەگەڵ بارسێلۆنا، کە ئەمشەو رووبەڕووی ئیسپانیۆل دەبێتەوە و یارییەکی کەمتر کردووە.
