یاریگا–
کلێمێنت لێنگلێت، بەرگریکاری فەڕەنسی یانەی بارسێلۆنا بووەتە ئامانجی چەند یانەیەکی گەورە، بەڵام کارگێری یانەکەی دەستبەرداری نابێت.
رۆژنامەی سپۆرتی کەتەلۆنی بڵاویکردووە بە هۆی کەم یاریکردنی و کەمی موچەکەی بەرگریکارە فەڕەنسیەکە بیر لە جێهێشتنی یانەکەی دەکاتەوە، بەڵام بەرپرسانی یانەکەی ئامادەنین دەستبەرداری بن و بەڵێنیان پێداوە هەموو کێشەکانی چارەسەر دەکەن.
لێنگلێت لەلایەن پێپ گواردیۆلا راهێنەری یانەی مانچێستەر سیتی ئینگلیزی گرنگی پێدەدرێت و چاوەڕێ دەکرێت لە ماوەی داهاتوو هەوڵەکانیان بۆ گواستنەوەی دەست پێ بکەن.
