ئه‌وروپا
واین ڕۆنی باشترین لە نێوان میسی و ڕۆنالدۆ دیاریدەكات
یاریگا: واین ڕۆنی ، ئەستێرەی پێشووی مانچستەر یۆنایتد ڕای خۆی سەبارەت بە باشترین لە نێوان میسی و ڕۆنالدۆ دەردەبڕێت.
لە چاوپێكەوتنی لەگەل ڕۆژنامەی سەندەی تایمز ووتی: سەرەڕای هاوڕێیەتیم لەگەڵ كریستیانۆ ڕۆناڵدۆ بەڵام من لیۆنێل میسی هەلدەبژێرم و هەموو كاتیش ئەوم هەڵبژاردووە.
هەروەها ووتیشی: ڕۆناڵدۆ بەزەیی نیە لە ناوچەی سزا، ڕاستەوخۆ دەتكوژێت، بەڵام میسی لە ناوچەی سزا ئازارت دەدات پێش ئەوەی بتكوژێت، لەوباوەڕەدام زیاتر چێژ لە میسی وەردەگرم وەك لە ڕۆناڵدۆ.
لە كۆتایشدا ووتی: ئەو دووانە شێوازی تەواوی تۆپی پێیان گۆڕی لە ڕووی ژمارە پێوانەییە تاكە كەسیەكان بڕواناكەم لە داهاتوودا كەس هەبێت بگاتەوە ئاستی ئەوان.
