یاریگا –
پاریس سانجێرمان، ڤیدیۆییەکی ریکلامی بۆ فرۆشتنی بلیتەکانی وەرزی داهاتوو لە پلاتفۆرمەکانی سڕییەوە، تیایدا کیلیان ئێمباپێ رۆڵی سەرەکی دەگێڕا.
کیلیان ئێمباپێ، هێرشبەری سانجێرمان لە دوای بڵاوبوونەوەی ڤیدیۆکە، هێرشێکی توندی کرد و روونیکردەوە، لە وردەکارییەکانی بەکارهێنانی چاوپێکەوتنەکەی ئاگادار نەکراوەتەوە.
ئێمباپێ پەیامێکی لە تۆڕەکانی کۆمەڵایەتی بڵاوکردەوە و تیایدا هاتبوو
بەشداری لە هەڵمەتی بەبازاڕکردنی بلیتی یارییەکانی وەرزی 2023-24دا کرد، بەڵام لەبارەی ناوەڕۆکی چاوپێکەوتنەکە ئاگادار نەکرابوومەوە، بەلای منەوە بابەتەکە وەک چاوپێکەوتنێکی ئاسایی بوو لە رۆژی بەبازاڕکردنی یانەکە، هاوڕانیم لەگەڵ ئەو ڤیدیۆیەی کە بڵاوکراوەتەوە، ئەمە هۆکاری شەڕی منە بۆ مافەکانی وێنەی تاکەکەسی. پاریس سانجێرمان یانە و خێزانێکی گەورەیە. بەدڵنیاییەوە کیلیان سانجێرمان نییە.
لە دوای رەخنەکانی ئێمباپێ، پاریس سانجێرمان ڤیدیۆیەکەی لە تەواوی پلاتفۆرمەکان سڕییەوە، رادیۆی مۆنتی کارلۆ راپۆرتێکی بڵاوکردووەتەوە، ئێمباپێ پەیوەندی بە کارگێڕی یانەکەوە کردووە، دواتر ڤیدیۆکە سڕاوەتەوە و بەڵێنی سزادانی ئەو کەسەی ڤیدیۆکەی بڵاوکردووەتەوە، درا.
ڤیدیۆکە چەند بەشێکی چاوپێکەوتنی ئێمباپێ تذایە کە باس لە یانە و هاندەرانی دەکات، ئەمەش وەک ریکلام بۆ فرۆشتنی بلیتی یارییەکانی وەرزی داهاتوو بەکارهێندراوە.
