بەیاننامەی فەرمی تۆتنهام سەبارەت بە كۆنتی
یاریگا
یانەی تۆتنهام هۆتسبێری ئینگلیزی لە بەیاننامەیەكی فەرمیدا باس لە بارودۆخی تەندروستی ئەنتۆنیۆ كۆنتی راهێنەری یانەكەیان دەكات.
لە چەند رۆژی رابردوودا كۆنتی نەشتەرگەریەكی لابردنی زراوی ئەنجامدا و دووبارە پەیوەندی بە راهێنانەكانی سپێرزەوە كرد.
كەمێك پێش ئێستا تۆتنهام بەیاننامەیەكی فەرمی سەبارەت بارودۆخی تەندروستی راهێنەرەكەیان بڵاوكردەوە و تێیدا هاتووە:
دوای ئەنجامدانی پشكنینی رۆتینی دوێنێ لە ئیتاڵیا، ئەنتۆنیۆ كۆنتی لە ماڵەكەیدا لەگەڵ خێزانەكەی دەمێنێتەوە، بۆ ئەوەی لە نەشتەرگەریەكەی ئەم دواییەی ئەنجامیدا چاكبێتەوە.
تەندروستی لە هەموو شتێك گرنگترە و هەمووان لە یانەكە هیوای باش بوونەوەی بۆ دەخوازین.
كریستیان ستیلینی لە ئێستادا ئەركەكانی راهێنەری تیمی یەكەم دەگرێتە ئەستۆ.
تۆتنهام بە كۆكردنەوەی 39 خاڵ لە ریزبەندی پێنجەمی پرێمەرلیگ دێت و بە جیاوازی 12 خاڵ لە مانچێستەر سیتی پێشەنگەوە دوورە.
