ئینگلتەرا
دی خیا: دەمەوێت لە یونایتد واز لە یاریکردن بهێنم
دەیڤد دی خیا دەڵێت دەیەوێت لە مانچێستەر یونایتد بمێنێتەوە تا کاتی وازهێنانی لە یاریکردن.
گۆڵپارێزە ئیسپانییەکە تەمەنی گەیشتووەتە ٣٢ ساڵ و هاوینی داهاتوو گرێبەستەکەی بەسەر دەچێت. دەنگۆی ئەوە هەیە یونایتد ئامادەبێت تەنها بۆ یەک وەرزی تر بۆی تازە بکاتەوە.
ئەمڕۆ ئەو گۆڵپارێزە بۆ سکای سپۆرت وتی “من زۆر ئاسوودەم، سەرنجم تەنها لەسەر مەشقەکان و پێشکەشکردنی ئاستی بەرزە، بەدڵنیاییەوە گفتوگۆکانیش بۆ تازەکردنەوە بە باشی کۆتاییان دێت. هیوادارم تەواوی کاروانی یاریکردنم لێرە بەسەر بەرم، ساڵانێکی زۆرە لێرەم و ئەمە یانەی منە. جێگەی شانازییە لەگەڵیاندام و دڵخۆشم “.
دی خیا لە ساڵ ٢٠١١دا روویکردە یونایتد و بووە گرانبەهاترین گۆڵپارێزی بەریتانیا ببە ١٨.٩ ملیۆن پاوەند.