یاریگا-یەکێتی تۆپی پێی ئینگلتەرا رایگەیاند گاریس ساوزگەیت لە کارەکەی دوورناخرێتەوە.
راهێنەرەکەی ئینگلتەرا لە قۆناغی چارەگی کۆتایی ماڵئاوایی کرد پاش شکستهێنان بەرامبەر فەڕەنسا و ئەگەری ئەوە هەبوو لە کارەکەی دووربخرێتەوە.
ئەمڕۆ مارک بوڵینگهام بەڕێوبەری گشتی تۆپی پێی ئینگلتەرا بۆ بی بی سی وتی “خۆشحاڵین رایبگەیەنین، ساوزگەیت سەرکردایەتی تیمەکە دەکات بۆ جامی نەتەوەکانی ئەورووپای ٢٠٢٤، گاریس و ستیڤ هۆڵاند (یاریدەدەرەکەی) هەمووکاتێک پاڵپشتی نەبڕاوەی ئێمەیان هەبووە”.
ناوبراو ماوەی شەش ساڵە راهێنەری هەڵبژاردەی سێ شێرەکەیە و گرێبەستەکەشی لە زستانی ٢٠٢٤ بەسەردەچێت پاش یارییەکانی یۆرۆی ئەو ساڵە.
