هەڵبژاردەی کرواتیا توانی شکست بە مەغریب بهێنێت و مەدالیای برۆنزی جامی جیهانی بباتەوە.
تیمەکەی لوکا مۆدریچ، ئیوارەی ئەمڕۆ لە یاری دیاریکردنی پلەی سێهەم رووبەرووی مەغریب بوونەوە و توانییان ٢-١ شکست بە ئەسپە رەشەکەی مۆندیال بهێنن.
دوای یارییەکە لوکا مۆدریچ نیگەرانی خۆی دەربڕی لەوەی دەکرا ببونایەتە پاڵەوانی جیهان ئەگەر هاتوو لە یاری پێشوو تووشی شکست نەهاتبان بەڵام خۆشحاڵن بە بردنەوەی ئەم یارییە.
بەم جۆرە کرواتیا لە جامی جیهانی رووسیا پلەی دووهەم و لە قەتەڕ پلەی سێهەمی بەدەستهێنا.
هەرچی مەغریبە، سەرەڕای شکستەکەی ئەمڕۆ، بووە یەکەم هەڵبژاردەی عەرەبی و ئەفریقی بتوانێت پلەی چوارەمی جامی جیهانی بباتەوە.
