کریستیانۆ رۆناڵدۆ ژمارەی پێوانەیی زۆرترین یاری نێودەوڵەتی بۆ هەڵبژاردەیەک یەکسانکردەوە.
ئەستێرە پۆرتوگالییەکە لە نیوەی دووهەمی یارییەکەیان بەرامبەر مەغریب کە بە شکست کۆتایی هات بەشداریکرد, ئەوەش یاری ژمارە ١٩٦ی ئەو یاریزانە بوو بە درێسی پۆرتوگالەوە.
لە مێژووی یارییە نێودەوڵەتییەکاندا، تەنها بەدر متەوەعی کوەیتی توانیوییەتی هێندەی رۆناڵدۆ یاری بۆ هەڵبژاردەیەک ئەنجام بدات. رۆناڵدۆ لەو ماوەیەدا ١١٨ گۆڵی بۆ پۆرتوگال تۆمارکردووە و هاوکات خاوەنی ژمارەی پێوانەیی زۆرترین گۆڵە بۆ هەڵبژاردەیەک لە مێژوودا.
هەرچی هاوتا کوەیتییەکەیەتی، ئەویش هێرشبەرە و تەمەنی ٣٧ ساڵە و بەردەوامە لە یاریکردن، وە خاوەنی ٥٧ گۆڵە بۆ وڵاتەکەی.
