یاریگا-
ڕاپۆرتە ڕۆژنامەوانیەكان ئاشكرایانكرد چوار یانەی زلهێزی ئەوروپا گرنگی بە گواستنەوەی تواناكانی یاریزانێكی لاوی بارسێلۆنا دەدەن.
بەپێی ناسیۆنال چەند یانەیەكی گەورە گرنگی بە گواستنەوەی تواناكانی ئەلیخاندرۆ باڵدی ئەستێرەی لاوی یانە كەتەلۆنییەكە دەدەن.
هەمان سەرچاوە ئەوەشی ئاشكرا كردووە هەریەك لە یانەكانی مانچێستەر یۆنایتد ، چێڵسی ، میلان و بایرن میونشن دەیانەوێت باڵدی بگوازنەوە.
یاریزانە تەمەن 19 ساڵانەكەی بارسێلۆنا لەم وەرزەدا ئاستێكی بەرزی پێشكەش كردووە و لە 13 یاریدا بەشداری كردووە كە ئەوەش لە هەردوو یاریزانی ڕكابەری ماركۆس ئەلۆنسۆ و جۆردی ئەلبا زیاترە.
