یاریگا–
یانەی هەولێر لە گەڕی دووەمی خولی نایابی عێراق لە یاریگای شەهید فەڕەنسۆ هەریری میوانداری یانەی کارەبای بەغدا دەکات.
ئێوارەی ئەمڕۆ کاتژمێر 7:30 خولەک، لە بەردەوامی گەڕی دووەمی خولی نایابی عێراق، یانەی هەولێر لە یاریگای خۆی میوانداری یانەی کارەبای بەغدا دەکات، یانەکەی قەڵا و منارە لە مێژووی خولەکە 10 جار لە یاریگای خۆی رووبەڕووی کارەبا بووەتەوە و هەرگیز تووشی دۆڕان نەبونە.
کارگێری یانەی هەولێر بۆ ئەم یارییە بلیتی چونە ژوورەوەی هاندەرانی کردووەتە پارە و چاوەڕێش دەکرێت هاندەرێکی زۆر لە یاریگا ئامادەبێت.
