یاریگا–
خوان لاپۆرتا، سەرۆکی یانەی بارسێلۆنا متمانەی بە چاڤی راهێنەری یانەکەی هەیە و بەشێکە لە پرۆژەی یانەکەیان.
رۆژنامەی مۆندۆ دێپۆرتیڤۆی کەتەلۆنی زانیاری دەستکەوتووە، سەرەڕای ئەوەی بلاوگرانا هیوایەکی زۆر کەمی هەیە بۆ گەیشتن بە قۆناغی شازدەی چامپیۆنزلیگ، بەڵام سەرۆکی یانەکە بڕوای تەواوی بە راهێنەرەکەی هەیە و، پێوایە ئەم وەرزە دەتوانێت ناسناوی خولی نێوخۆیی بەدەست بێنێت.
بارسێلۆنا ئەم وەرزە لە چامپیۆنزلیگ ئەنجامی وەکو پێویست نەبووە، بۆیە دەنگۆیەک هەیە چاڤی لە راهێنەرایەتی یانەکە دووربخرێتەوە.
