یاریگا-
کۆکی یاریزانی هێڵی ناوەڕاستی یانەی ئەتلەتیکۆ مەدرید، پێش یاریە چاوەڕوانکراوەكەی نێوان هەردوو لایان، هۆشدارییەکی بۆ ڤینیسیۆس جونیۆری بەڕازیلی و ئەستێرەی ڕیاڵ مەدرید نارد.
وا بڕیارە ڕۆژی یەكشەممە كاتژمێر 22:00 بە كاتی كوردستان ئەتلەتیكۆ مەدرید لە یاریگای میترۆپۆلیتانۆی تایبەت بە خۆی میوانداری ڕیاڵ مەدرید بكات ، لە میانەی یاریەكانی هەفتەی شەشەمی خولی ئیسپانیا.
کۆکی لە لێدوانێكیدا کە رۆژنامەی سپۆرت بڵاویکردووەتەوە دەڵێت “ئەگەر ڤینیسیۆس گۆڵێک تۆمار بکات و بڕیاریدا بە سەما ئاهەنگ بگێڕێت بەرامبەر هاندەرانمان ئەوا بە دڵنیاییەوە كێشەیەك درووست دەبێت”.
ڕیاڵ مەدرید بە كۆكردنەوەی 15 خاڵ پێشەنگی خولی ئیسپانیای گرتووە و ئەتلەتیكۆ مەدریدیش بە كۆكردنەوەی دە خاڵ لە پلەی حەوتەمدایە.
