یاریگا-
یانەی پاریس سان جێرمانی فەڕەنسی نرخی بەرگریكاری یانەكەی پیرسنیل كیمبیپی فەڕەنسی و ئەستێرەی یانەكەی دیاریكرد.
چەند سەرچاوەیەك ئاماژەیان بە نزیكبونەوەی چێڵسی دەكرد لە گواستنەوەی یاریزانەكە.
بەپێی ڕۆژنامەی ذە تایمز پاریس نرخی كیمبیپی بە 70 ملیۆن یۆرۆ دیاریكردووە بۆ هەر یانەیەك بیەوێت بیگوازێتەوە ڕیزەكانی.
هەمان سەرچاوە ئاشكرایكردووە كە هەریەك لە یانەكانی چێڵسی ، ئەتلەتیكۆ مەدرید و یوڤێنتوس گرنگی بە تواناكانی یاریزانەكەی پاریس دەدەن بۆ یانەكەیان.
گرێبەستەكەی كیمبیپی لەگەڵ پاریس لە هاوینی ساڵی 2024 بەسەردەچێت و یاریزانەكە دەیەوێت لە یانەكەی بمێنێتەوە.
