کەمێک لەمەوبەر لێژنەی پێشبڕکێکان لە یەکێتی تۆپی پێی عێڕاقی تیروپشکی خولی لاوانی یانە پلە نایابەکانی عێڕاقی ڕاکێشا، سەرەتا بڕیاربوو لە هەر کۆمەڵەیەك سێ یانە سەرکەوێت بۆ قۆناغی کۆتایی، بەڵام لە بڕیارێکی لە ناکاودا بۆ هەر گروپێك چوار یانە سەرکەوت و تیروپشكیان بۆ ئەنجامدرا.
یانەی هەولێر کەوتە کۆمەڵەی دووەم لەگەڵ هەریەك لە یانەکانی ( شوڕتە ، زەوڕا ، نەفتی میسان ) یاری دەکات.
کۆمەڵەی دووەمیش پێکهاتووە لە هەریەک لە یانەکانی ( مینا ، ئەمانەی بەغداد ، نەفتی بەسڕە، قوەی جەوی)
لە هەر کۆمەڵەیەک یەك یانە سەردەکەوێت بۆ یاری کۆتایی، سەرجەم یارییەکانیش بە شێوەی گردبوونەوە لە شاری کەربەلا بەڕێوەدەچێت.
