مانێ ژمارەیەكی پێوانەیی تۆمار كرد

یاریگا-

سادیۆ مانێی سەنیگالی و ئەستێرەی یانەی لیڤەرپولی ئینگلیزی ژمارەیەكی پێوانەیی تۆمار كرد دوای گۆڵەكەی بەرامبەر ڤیاڕیاڵ.

ڤیاڕیاڵ لە یاریگای خۆیدا میوانداری لیڤەرپولی كرد و یاریەكەش بە بردنەوەی یانەی میوان بە سێ گۆڵ بەرامبەر دوو گۆڵ كۆتایی هات لە میانەی یاری گەڕانەوەی قۆناغی پێش كۆتایی خولی یانە پاڵەوانەكانی ئەوروپادا.

بەوەش لیڤەرپول توانی خۆی بگەیەنێتە یاری كۆتایی چامپیۆنسلیگ و چاوەڕوانی براوەی نێوان ڕیاڵ مەدرید و مانچێستەر سیتی دەكات.

سادیۆ مانێ گۆڵی سێیەمی ڕێدزی تۆمار كرد و بەو گۆڵەش بوو بە یەكەم یاریزانی ئەفریقی زۆرترین گۆڵ لە قۆناغی كرانە دەرەوەی پاڵەوانیەتیەكە تۆمار بكات بە 15 گۆڵ و پێش دیدیە درۆگبای كۆتدیڤواری و ئەستێرەی پێشووی یانەی چێلسی بكەوێت.