یاریگا-
یانەی بارسێلۆنای ئیسپانی پیرۆزبایی لە ڕیاڵ مەدرید دەكات دوای ئەوەی بە شێوەیەكی فەرمی توانیان نازناوی لالیگا ببەنەوە.
ڕیاڵ مەدرید بە شێوەیەكی فەرمی توانی نازناوی لالیگا بباتەوە دوای بردنەوەیان لە ئیسپانیۆل بە ئەنجامی چوار گۆڵی بێ وەڵام ، لە میانەی یاریەكانی هەفتەی 34ی خولەكەدا.
لە دوای یاریەكە هەژماری فەڕمی بارسێلۆنا لە تۆڕی كۆمەڵایەتی تویتەر پەیامێكی پیرۆزباییان ئاڕاستەی ڕیاڵ مەدرید كردووە و نووسیویانە:
” لە یانەی بارسێلۆناوە بۆ تۆپی پێ پیرۆزبایی لە ڕیاڵ مەدرید دەكەین بە بۆنەی بەدەستهێنانی نازناوی 35ی خولی ئیسپانیا”.
ڕیاڵ مەدرید بە كۆكردنەوەی 81 خاڵ لە ڕیزبەندی خولەكە دێت و توانی بە شێوەیەكی فەرمی نازناوەكە بباتەوە و بە جیاوازی 17 خاڵ لە پێش سێڤییای دووەمەوە دێت.
