بارسا دەبێت ١.٢ ملیۆن یۆرۆ بداتە مان سیتی بەهۆی فێران تۆرێس

یاریگا-بەندێکی نێوان بارسێلۆنا و مانچێستەر سیتی نزیکە لە کارابوون و بەهۆیەوە دەبێت بلەوگرانا بڕی ١.٢ ملیۆن یۆرۆ بداتە مانچێستەر سیتی.

لە مانگی یەکدا بارسا ئەو یاریزانەی بەرامبەر بە ٥٥ ملیۆن یۆرۆ گواستەوە  و بەشێکی دیکەی پارەکەش بەپێی ئاست و ئەنجام بوو. یەکێک لە خاڵەکان ئەوەیە ئەگەر بارسا بگاتە خولی پاڵەوانەکانی وەرزی داهاتوو دەبێت ١.٢ ملیۆن یۆرۆ بداتە ستیزن.

ئاست و ئەنجامەکانی ئەم دواییەی یانەکە، بارسای نزیک کردووەتەوە لە گەیشتن بە خولی پاڵەوانەکان. ئەمە جگە لەوەی هێشتا لە یۆرۆلیگ دا ماوە و لەباری بردنەوەی ئەو خولەشدا راستەوخۆ دەگاتە چامپیۆنزلیگ.

کوڕانی کاتالۆنیا شەوی رابردوو ٣-٢ شکستییان بە لیڤانتی هێنا و سەرکەوتن بۆ پلەی دووهەم و یارییەکی دواخراویشیان هەیە.