یاریگا–
کارگێری یانەی بارسێلۆنای ئیسپانیا دەیەوێت بۆ وەرزی داهاتوو، بەرگریگارێکی باڵی راست بۆ ریزەکانی بگوازێتەوە.
رۆژنامەی ئێلمۆند دێپۆرتیڤۆ بڵاویکردەوە، بلاوگرانا بۆ وەرزی داهاتوو پێویستی بە بەرگریکارێکی باڵی راست هەیە، تاوەکو ئێستا ناوی چەند یاریزانێک هەیە بەڵام بەم دواییە ئەو یانەیە لەگەڵ ئالێکس مۆرێنۆ بەرگریکاری ریال بێتیس قسەیان کردووە و ئەو یاریزانەش رازییە پەیوەندی بە یانە کەتەلۆنیەکەوە بکات.
مۆرێنۆ تاوەکو هاوینی 2025 گرێبەستی لەگەڵ یانەکەی هەیە و، ئەو یاریزانە ئەم وەرزە لە کۆی 21 یاری لە لالیگا، چوار گۆڵ و سێ ئاسیستی تۆمار کردووە.