سەرۆكی بروسیا دۆرتمۆند باس لە داهاتووی ئیرلینگ هالاند دەكات

یاریگا-

هانز یواكیم ڤاتسكە، سەرۆكی جێبەجێكاری یانەی بروسیا دۆرتمۆندی ئەڵمانی،باس لە داهاتووی هێرشبەری یانەكەی ئیرلینگ هالاندی نەرویجی دەكات.

گرێبەستەكەی هالاند لەگەڵ بروسیا دۆرتمۆند لە ساڵی 2024 بەسەردەچێت و چەندین یانەی زلهێزی ئەوروپا چاویان لە گواستنەوەی هێرشبەرەكەیە بۆ ڕیزەكانیان.

ڤاتسكە لە لێدوانیدا بۆ كەناڵی” ئار تی ئێل ” ووتی: بێگومان هالاند لە مانگی داهاتوو یان شەش هەفتەی داهاتوودا بڕیار لەسەر داهاتووی خۆی دەدات.

هەروەها ووتیشی: ئەگەر بڕیار بدات ڕیزەكانی دۆرتمۆند جێبهێڵێت  ئەوا بە جوانی مامەڵە لەگەڵ بارودۆخەكەدا دەكەین ، كە پێشتر چەندین هێرشبەری نایاب ڕیزەكانیان جێهێشتووین وەك لیڤاندۆڤسكی و ئۆبامیانگ.

شایەنی باسە هەریەك لە یانەكانی ڕیاڵ مەدرید ، پاریس سان جێرمان ، بارسێلۆنا و مانچێستەر سیتی گرنگی بە گواستنەوەی هالاند دەدەن بۆ ڕیزەكانیان.