ئینگلتەرا
مانێ و سەڵاح ژمارەیەکی پێوانەیی نوێ یان لە پریمەرلیگ تۆمارکرد
یاریگا-یارییەکەی ئەمڕۆی لیڤەرپوول و نۆریچ ستی لە پریمەرلیگدا، محەمەد سەڵاح و سادیۆ مانێی کردە خاوەن ژمارەیەکی پێوانەیی نوێی خولەکە.
لیڤەرپوول تا خولەکی ٦٤ بە گۆڵێک لەدوابوو، تاوەکو دوو ئەستێرە ناودارەکەی ریدز لە ماوەی تەنها سێ خولەکدا دوو گۆڵییان تۆمارکرد و یارییەکەش ٣-١ کۆتایی هات.
ئەمە ٣٠هەمین جار بوو دووانە ئەفریقییەکە لە یەک یاریدا بتوانن هەردووکیان گۆڵ تۆماربکەن ئەوەش ژمارەیەکی پێوانەیی نوێی خولەکەیە و هەرگیز هیچ دووانەیەک نەیانتوانیوە ئەو ژمارەیە تۆماربکەن.
سادیۆ لە ٢٠١٦دا لە ساوزهامپتنەوە گوێزرایەوە لیڤەرپوول. سەڵاحیش ساڵێک دوای ئەوە لە رۆماوە هات.
