ئابراهام هاندەرانی رۆما شۆک دەکات

یاریگا–
تامی ئابراهام، هێرشبەری ئینگلیزی یانەی رۆمای ئیتاڵیا لە رێستورانتێک پارەی هەموو میوانەکان دەدات و، ئەم هەنگاوەشی گشت هاندەرانی شۆک دەکات.

هەژمارەی رۆما نیوز بڵاویکردەوە، بەم دواییە کاتێک هێرشبەرەکەی گورگەکان لە میواخانەیەک دەبێت بە مەبەستی نان خواردن، بەشێک لە هاندەرانی یانەکەی لێ نزیک دەبنەوە و گلەیی لە ئەنجامەکانی ئەم دواییەی یانەکەیان دەکەن و، ئەو یاریزانەش بەڵێنیان پێدەدات هەوڵەکانیان چڕتر بکەن و، لە کۆتاییشدا کاتێک میوانخانەکەی جێهێشت، پارەی هەموو ئەو کەسانە خەرج دەکات کە لەوێ ئامادەبوون.

ئەم هەنگاوەی تامی ئابراهام هەموو بەشداربووان و کارگوزارەکانی میوانخانەکەی شۆک کردووە، بە جۆرێک دەنگدانەوەیەکی زۆری لە تۆڕە کۆمەڵایەتیەکان هەبووە.